A docencia sempre foi un pracer para min. Comecei de moi nova dando apoio escolar e máis tarde titorizando a alumnos de enfermería. Agora, coa experiencia adquirida durante o meu proceso de aprendizaxe como escritora xunto co desenrolo de dúas novelas e preto dun cento de artigos, preparei unha variedade de cursos e talleres que espero inspirarán a uns cantos a emprender o camiño da pluma.

View this post on Instagram

A post shared by Lucía Fernández Rodríguez (@lucia.ferro_escritora)

Gustaríache aprender a escribir da man de quen xa andou o camiño. Desexas unha atención individualizada e adaptada aos teus proxectos persoais? Contacta comigo a través de lucia@luciaferro.es e cóntame cales son os teus obxectivos para podermos darlle forma aos teus talentos.

1. Curso de escritura: “Como conseguir rematar unha historia”
2. Taller de escritura creativa
3. Taller de escritura creativa para menores de 14 anos
4. Iniciación á escritura terapéutica
5. Coaching para escritores noveles

Curso de escritura: “Como conseguir rematar unha historia”

O obxectivo deste curso é axudar ao participante a conseguir a confianza necesaria non só para comezar a escribir se non tamén para rematar os proxectos iniciados. Unha das partes máis difíciles da escritura é ser capaz de rematar unha historia xa que é un proceso longo que require un alto nivel de dedicación sen saber moi ben como serán os resultados. É así que con este taller se aportan as ferramentas necesarias para facilitar o camiño.

Taller de escritura creativa

Neste taller empréganse unha gran variedade de métodos para a motivación da creatividade co fin de explorar a imaxinación de cada quen sen caer en criticismos. É unha actividade que non só mantén a mente áxil se non que tamén ofrece momentos de risa e comedia a compartir con todos os participantes.

Taller de escritura creativa para menores de 14 anos

No futuro a intelixencia artificial pode chegar a superar as capacidades técnicas do ser humano, por elo é importante que a mocidade exercite a súa imaxinación e creatividade xa que será, xunto co pensamento críticos, unha das cualidades máis apreciadas para daquela.

Iniciación á escritura terapéutica

A saúde mental é un tema que cada vez preocupa a máis xente. O acceso a axuda sanitaria adecuada acostuma a atrasarse debido falta de profesionais ou ao seu elevado custo económico. A escritura terapéutica non é unha cura, mais é unha ferramenta que nos permite explorar as nosas emocións de forma sa e segura demostrando ter notables beneficios no benestar persoal ao tempo que non supón ningún risco. O obxectivo aquí será darlle ao participante o empurrón necesario para comezar un novo camiño cara a autorregulación emocional.

Coaching para escritores noveles

Non a todo o mundo lle pica o becho da escritura, é por elo que se ti sentes o impulso de poñer en papel esas verbas que che rondan pola cabeza, debería facelo. Cando un se enfronta a un páxina en branco pode resultar sufocante chegar ao final. Se cadra, consegues escribir unha cantas pero chega un momento no que descoñeces como continuar. Ás veces a persistencia non é suficiente e precisamos dunha man experimentada que nos axude a atopar o camiño. Se é iso o que andas a buscar, estás no lugar indicado. Comigo recibirás o apoio personalizado que precisas con consultas e correccións inclusive.

Se che interesa calquera destas propostas, sexa para clases en centros escolares ou sesións en grupo privados, escríbeme a lucia@luciaferro.es