Respetamos a túa privacidade!
Esta web non usa cookies nin outras medidas de seguimento. Aquí estas seguro sexas quen sexas.
Twisted Tales of a Moonlight day
7 historias curtas, diferentes a calquera cousa que leras!
Lucía Ferro
Comecei a escribir moi nena pola necesidade que sentía de expresarme. Atopei na escritura a ese confidente seguro que sempre me escoitaba sen importar o que tivese que dicir. Relatos e poemas encheron páxinas e páxinas que por desgraza se perderon.
Estudei enfermería, que era o que cría necesitar unha rapaza de dezasete anos para poder salvar o mundo. Tras oito anos de experiencia en diferentes paises, decidin deixala atrás para dedicar todo o meu tempo a escribir.
Publicar a miña primeira novela non foi sinxelo mais ver que conseguira escribir un libro con certo valor social encheume de orgullo. Isto animoume a tomar a decisión que tanto rondara a miña cabeza e que non me atrevía a levar a cabo. Lucía Ferro
Subscríbete ás miñas novas!
Subscríbete á miña newsleter para recibir unha escolma dos meus mellores artigos e un resumo das novas sobre os meus libros ao final de cada mes.
Últimos posts en blogs.amarinha.gal
Últimos toots en amarinha.gal
Os libros de Lucía Ferro
Twisted Tales
Of a Full Moon Day
7 historias curtas, cada unha diferente de calquera cousa que leras.
Só en inglés polo momento
The moon shines in the sky, under it flight attendants, nurses, shamans, elderly ladies or lost girls amongst others show us glimpses into their realities.
Some of their surroundings might feel similar to ours or even our distant history, some are completely alien to us, but readers will get to experience their same feelings.
Mind you, once the moment passes the tale ends.
There is only that instant you are finding out about, the rest of the story will follow you forever.Saber máisPomba, a que non era
Libro ilustrado para toda a familia.
Este libro ilustrado, pensado para ler con nenos, está baseado nun poema de Lucía Ferro que conectou con moitas persoas ao expresar realidades que nos tocan a todos a través dunha pequena historia protagonizada por animais. Este poema pode ser un bo punto de partida para tratar temas que nos afectan a todos, pero específicamente ás crianzas, como os cambios de comportamento derivados de traumas.
O detallado debuxo de Andrea Lombardía complementa a historia, aportando detalles do mundo rural que comparten ambas artistas e reforza o tono do relato. Esperamos que o complemento gráfico permita que este mensaxe chegue a un público máis amplo.
Os textos preséntanse coa caligrafía da escritora, ofrecendo unha experiencia máis íntima ás lectoras. O libro remata con bocetos do proceso de creación e outros detalles que fan desta obra de arte un obxecto que conservar durante anos.
Saber máisLaídos cardíacos
Poemario Autobiográfico de Lucía Ferro.
Lucía Ferro ten un diario onde escribe poesía cando non pode durmir. Ou cando tantos pensamentos á vez lle impiden pensar. estes versos son libres non só na forma, tamén no contido, feitos coa intención de que ninguén os fose ler.
Desde principios de 2021 os poemas de Lucía mostran o cambio e aprendizaxe ocasionados polo sufrimento dunha crise vital. Son obras crúas, sen adornos. Pero veraces. A risco de expoñer quen é de verdade, decide recoller estes pedazos de caderno e compoñer Laídos Cardíacos.
Para facer xustiza a sí mesma, as palabras desta obra foron trasladadas case sen cambios dende o manuscrito orixinal. Os sentimentos que se transmiten, fan desta unha peza dura de ler. A conexión entre diferentes poemas e a coidada edición de cada páxina fai que, incluso quen non estea afeito a ler poesía se manteña apegado ata rematar.
Saber máis
En Brandán
Que dirían de ti os veciños de Brandán?
Cando o corpo de Noa Gaiteiro se atopa ao lado do río, os axentes de policía de Brandán comezan unha viaxe a contra reloxo que os levará a investigar todos os recunchos da cidade e a enfrontarse aos seus propios prexuizos e ideas.
Do mesmo xeito, o lector que se aproxime a esta obra deberá deixar a un lado as suas preconcepcións, a risco de necesitar unha segunda lectura para descubrir todas as claves deste... asasinato?
Igual que en Resaibo Amargo, a anterior novela de Lucía Ferro, En Brandán ten unha mirada implicada co mundo que nos rodea, buscando unha complicidade con quen normalmente se queda ás marxes, mais sen descoidar o sentido do humor ou a emoción que conleva resolver un bo misterio.
Saber máisResaibo Amargo
Unha mañá, o corpo de Mariana decide colapsar contra o chan do baño. Sexa a súa incomodidade no traballo de xornalista ou as complicacións na súa relación con Elena, está claro que algo na súa vida debe cambiar.
Inês, a pesar de que o seu aspecto e maneira de moverse comuniquen o contrario,non se sinte moito mellor. A empresa farmacéutica para a que traballa non ten moitos escrúpulos á hora de tratar os pacientes nin, polo que se ve, os seus traballadores.
Resaibo Amargo, a través da viaxe de ambas, expón sentimentos nos que o lector se verá reflexado. A medida que historia avanza e se profundiza en como se trata hoxe en dia a saúde mental, esta reflexión expándese para retratar a nosa sociedade.
Saber máisPonte en contacto!
Encantaríame recibir as túas opinións sobre o que escribo ou os intereses que poidamos ter en común. Xa que non estou en algunha das redes sociais máis coñecidas, convídote a que
- Te subscribas á miña lista de correo
- Me envíes un mail a: lucia@luciaferro.es
- Comentes nalgún dos meus posts en: blogs.amarinha.gal/lucia_ferro
- Interactúes comigo no Mastodon: @lucia_ferro@amarinha.gal